للشاعر / قاسم الجيزاني
يالشايل بخصرك كل جمال الكون
على متونك شعر لو ليل متبدي
يلمعلك برمشك كل شبابي الفات
شما ترمش تبوك ايام من عندي
انا من مهدي عشت قصه غرام وياك
أحلمت جن شبكتك وشبكت مهدي
حدر شفتك ماي لحياة يسيل
يمتى ارشف شفافك وارجع بكدي..؟
كل مغرور اكرهه وانت اموت عليك
يالكلك بدايه منين بيك ابدي
حقك تنغر انت وعلجمال البيك
والمثلك حرام ايعيش متهدي
همس تهمس أجدامك من تمر علكاع
وتخدر لو خيالك فوكها يعدي
يمتى تمر عليه وتضحك الشفتين
وبجف الضحك تمسح دمع خدي
تعال وخل اسمعك مسامر الليل
مامرن عليك وطولن عندي
كاعد على دروبك وأيدي ممدودات
وناس المادرت حسبالهه مجدي.!!
