قصيدة مهداة الى الرجال الذين ينتزعون النصر من مخالب الهزيمة
انا ابلياك
صبير ابجزيره
امعاشر الوحشه
وانا ابلياك
طير اورجع نص الليل
والدنيا مطر
والريح با البستان
كسرت غصن بيه عشه
انا ابلياك
عريس ابحلات الشوك
لكه محبوبته ميته اعلى ذرعانه
الصبح غبشه
العراق انته
وانا ابليك
ضيعت العرف با الناس
العراق انته
وانا ابلياك
تابوت ابظلام الليل يتمشه
العراق انته
او كتبت اسمك على الدله
لان صبرك صبر دله
العراق انته
اوكتبت اسمك على الفنجان
حتى ايبوسة كل انسان
يعرف هيبة الديوان
او يعرف قيمة الدله
العراق انته
او غلطان اليكول
اتراب هاى الكاع
يتحرر ابغير اهله
